Pasqyrimi i Reformës në Drejtësi përmes programeve mediatike është një moment i rëndësishëm për Integritetin e procesit të Vettingut dhe në tërësi Sistemit të drejtësisë. Kjo rubrikë është lidhur dhe bën tërheqje automatike të artikujve të publikuar online nga disa prej mediave në gjuhën shqipe të listuar si media që kanë ruajtur etikën në raportimin e informacionit. Përzgjedhja e medias është bërë nga zbatuesi i Projektit.
Kuvendi ka hapur sot garën për anëtar në Gjykatën Kushtetuese. Në njoftim, Kuvendi ka bërë me dije edhe kushtet që duhet të plotësojnë kandidatët, e po ashtu edhe mënyrën e aplikimit. Kandidatët duhet të paraqesin aplikimin e tyre brenda datës 13. 10.2020.
Ambasadori gjerman në Tiranë Peter Zingraf ka apeluar për futjen në funksion të Gjykatës Kushtetuese si një kusht i rëndësishëm për mbajtjen e Konferencës së parë ndërqeveritare.
Këshilli i Lartë i Gjyqësorit kërkon përshpejtimin e procedurave nga ana e Komisionit të Pavarur të Kualifikimit për 12 kandidatët e listuar për anëtarë të Gjykatës së Lartë.
Institucionet e pavarura forcojnë bashkëpunimin në luftën kundër korrupsionit. Kryetari i KLSH-së, Arben Shehu priti sot në zyrë kreun e Këshillit të Lartë Prokurorisë, Gent Ibrahimi. Qëllimi i këtij takimi rritja e bashkëpunimit dhe koordinimit ndërmjet dy institucioneve KLSH dhe Prokurorisë në ndjekjen e çështjeve apo padive që bëhet auditët e KLSH-së për shkeljet e konstatuara.
Prokurori i Prokurorisë së Tiranës, Kolë Hysenaj u përballë, të premten, më 18 shtator, me Komisionin e Pavarur të Kualifikimit (KPK). Trupa gjykuese përbëhet nga Pamela Qirko, Olsi Komici dhe Firdes Shuli, dhe me vëzhgues ndërkombëtar, Gerrit Sprenger. Seanca zgjati 3 orë. Vendimi do të merret të premten, më 25 shtator.
Anëtari i Kolegjit të Posaçëm të Apelimit, Luan Daci është shkarkuar në vitin 1997 për shkak se ka mbajtur të fshehur një vendim në lidhje me një firmë piramidale për rreth 6 muaj si dhe ka organizuar një grevë në ambjentet e gjykatës së Tiranës.