Institucioni i Komisionerëve Publikë njofton se, bazuar në Aktin Normativ nr. 9, datë 25.3.2020, deri në përfundim të gjendjes së epidemisë shkaktuar nga përhapja e COVID-19, pezullohen të gjitha afatet për paraqitjen e ankimeve nga ana e këtij institucioni.
Kolegji i Posaçëm i Apelimit shpalli sot vendimin e gjykimit të ankimit të vendimit nr. 90, datë
20.12.2018, të Komisionit të Pavarur të Kualifikimit, dhënë për subjektin e rivlerësimit, z.
Adnand Kosova, magjistrat/ prokuror në Prokurorinë e Përgjithshme.
Kolegji i Posaçëm i Apelimit me vendimin nr.05/2020 (JR), datë 13.03.2020, me shumicë
votash, vendosi:
- Ndryshimin e vendimit nr. 90 datë 20.12.2018, të Komisionit të Pavarur të Kualifikimit,
dhe shkarkimin nga detyra të subjektit të rivlerësimit, z. Adnand Kosova.
- Ky vendim është përfundimtar dhe ka efekt të menjëhershëm.
U shpall sot, në Tiranë, më datë 13.3.2020.
Në kuadër të përshkallëzimit të masave mbrojtëse nga COVID-19, Institucioni i Komisionerëve Publikë njofton kufizimin e mëtejshëm të veprimtarisë institucionale dhe dërgimin e punonjësve në shtëpi, deri në një njoftim të dytë zyrtar.
Në vijim, prej datës 12 mars, Komisionerët Publikë do të vazhdojnë shqyrtimin e 7 vendimeve të njoftuara nga Komisioni i Pavarur i Kualifikimit, të cilat janë në proces.
Veprimtaria e Institucionit të Komisionerëve Publikë do të vazhdojë të kryhet në ato funksione/detyra dhe njësi organizative, që mund të përmbushen në kushtet e banesës, nëpërmjet komunikimit elektronik zyrtar.
Komisioneri Publik, brenda afatit ligjor, ushtroi ankim në Kolegjin e Posaçëm të Apelimit, pranë
Gjykatës Kushtetuese, kundër vendimit nr. 229, datë 28.1.2020, të Komisionit të Pavarur të
Kualifikimit, për subjektin e rivlerësimit, z. Dritan Banushi, me funksion gjyqtar/Kryetar i
Gjykatës së Apelit Gjirokastër.
Komisioneri Publik, pasi shqyrtoi vendimin e mësipërm, vlerëson se, referuar gjëndjes së
provave dhe fakteve të administruara nga Komisioni i Pavarur i Kualifikimit dhe në konsideratë
të juridiksionit rivlerësues të Kolegjit të Posaçëm të Apelimit, subjekti i rivlerësimit, z. Dritan
Banushi nuk arrin nivel të besueshëm për konfirmimin në detyrë.
Kolegji i Posaçëm i Apelimit shpalli sot vendimin e gjykimit të ankimit të vendimit nr. 63, datë
6.8.2018, të Komisionit të Pavarur të Kualifikimit, dhënë për subjektin e rivlerësimit, z. Arben
Dollapaj, prokuror në Prokurorinë pranë Gjykatës së Apelit Shkodër, anëtar i Këshillit të Lartë të
Prokurorisë.
Kolegji i Posaçëm i Apelimit me vendimin nr.04/2020 (JR), datë 12.03.2020, në mënyrë
unanime, vendosi:
- Ndryshimin e vendimit nr. 63 datë 6.08.2018, të Komisionit të Pavarur të Kualifikimit,
dhe shkarkimin nga detyra të subjektit të rivlerësimit, z. Arben Dollapaj, prokuror, në
momentin e fillimit të procesit të rivlerësimit, anëtar i Këshillit të Lartë të Prokurorisë, në
momentin e shpalljes së këtij vendimi.
- Ky vendim është përfundimtar dhe ka efekt të menjëhershëm.
U shpall sot, në Tiranë, më datë 12.03.2020.
Komisioneri Publik ishte sot i pranishëm në Kolegjin e Posaçëm të Apelimit, ku nisi shqyrtimi
gjyqësor i ankimit kundër vendimit nr. 162, datë 19.6.2019, të Komisionit të Pavarur të
Kualifikimit, për subjektin e rivlerësimit znj. Manjola Kajana, prokurore në Prokurorinë pranë
Gjykatës së Shkallës së Parë për Krime të Rënda, Tiranë.
Në çelje të seancës gjyqësore, Kryesuesja e trupit gjykues njoftoi për depozitimin në Kolegj të
akteve të reja, të dorëzuara nga subjekti i rivlerësimit, në funksion të shkaqeve të ankimit të
Komisionerit Publik.