Inspektori i Lartë i Drejtësisë z.Artur Metani priti në një takim ministren e Drejtësisë znj.Etilda Gjonaj.
Në fokus të bisedës ishte koordinimi i veprimtarisë së zyrës së ILD me Ministrinë e Drejtësisë, lidhur me përcaktimin e modaliteteve e praktikave administrative mbi përcjelljen e ankesave, arkivës apo të dhënat, që zotëron Ministria e Drejtësisë dhe që janë depozituar gjatë periudhës kalimtare deri në ngritjen e ILD.
Zyra e Inspektorit të Lartë të Drejtësisë ka rifilluar punën me ritëm normal, duke respektuar rregullat dhe masat parandaluese për mospërhapjen e Covid-19.
Zyrat e reja të Inspektorit të Lartë të Drejtësisë ndodhen në adresën, Bulevardi “Dëshmorët e Kombit”, Sheshi “Nënë Tereza” (në krah të Pallatit të Kongreseve).
Shërbimi i pritjes me qytetarët vijon nga e hëna në të premte nga ora 10.00-13.00.
Inspektori i Lartë i Drejtësisë ka ndjekur informacionet publike lidhur me vrasjen mbrëmjen e kaluar të shtetasit H.B., në zonën e Komunës së Parisit në Tiranë dhe të dhënat se ndaj këtij shtetasi ishte dhënë një dënim me burgim të përjetshëm.
Inspektori i Lartë i Drejtësisë Artur Metani dha një intervistë për gazetarin Endri Xhafo në ABC News. Inspektori i Lartë i Drejtësisë foli për vizionin e tij mbi institucionin që drejton, me verifikimin e ankesave ndaj gjyqtarëve e prokurorëve të të gjitha niveleve, anëtarëve të Këshillit të Lartë Gjyqësor, anëtarëve të Këshillit të Lartë të Prokurorisë dhe të Prokurorit të Përgjithshëm.
Nga verifikimi, tek hetimi e deri tek procedimi disiplinor, z. Metani evidentoi synimin për një ndryshim rrënjësor të konceptit të inspektimit për të unifikuar standardet më të mira të drejtësisë për të gjithë.
Inspektori i Lartë i Drejtësisë Artur Metani priti sot në një takim ambasadoren e Mbretërisë së Holandës në Shqipëri, znj. Guusje Korthals Altes.
Metani e njohu ambasadoren me punën dhe sfidat e Zyrës së Inspektorit të Lartë të Drejtësisë, angazhimin për t’iu përgjigjur ankesave të qytetarëve dhe institucioneve dhe synimin për të kontribuar për një drejtësi me standarde. Ambasadorja Guusje Korthals Altes e siguroi Inspektorin e Lartë të Drejtësisë për mbështetjen e Holandës në punën e institucionit më të ri kushtetues të drejtësisë.
Inspektori i Lartë i Drejtësisë Artur Metani zhvilloi një takim online me ambasadorin e OSBE në Shqipëri, Bernd Borchardt.
Biseda u fokusua tek sfidat e institucionit më të ri të reformës në drejtësi, ILD dhe bashkëpunimi me prezencën e OSBE.