Në këtë Rubrikë do të publikohen Raporte dhe Dokumente që bëjnë të njohura rezultate, konkluzione dhe rekomandime të organizmave dhe institucioneve jashtë sistemit. Këto raporte kanë në fokus procese që lidhen me Reformimin e Drejtësisë dhe kontrollin apo Promovimin e Individëve pjesë e Sistemit të Drejtësisë.
109 subjekte ose 15.5% e subjekteve thirrur në Vetting janë dorëhequr nga detyra para ose gjatë zhvillimit të procesit. Komisionet e Vettingut kanë ndërprerë shqyrtimin e çështjes, duke iu ndaluar edhe emërimin për 15 vite në institucionet e sistemit të drejtësisë.
43 subjekte ose 6.1% e tyre sipas vendimit të institucioneve të Vettingut kanë dalë në pension, ndërruar jetë, humbur statusin e magjistratit.
12 magjistratë janë rikthyer në detyrë me vendim të KPA, duke rrëzuar vendimin e KPK për shkarkim nga detyra, prej të cilëve 7 gjyqtarë dhe 5 prokurorë.
29 Gjyqtarë dhe Prokurorë janë shkarkuar nga detyra me vendim të KPA, duke ndryshuar vendimin e KPK për konfirmim në detyrë.
131 subjekte ose 18.7% janë në pritje të vendimit të KPA, pas ankimit të vendimit të KPK.
Nga Gjykata e Lartë janë thirrur në procesin e Vettingut 16 anëtarë të saj, nga 17 anëtarë që ajo ka në përbërje, pasi 1 subjekti i kishte mbaruar mandati dhe u tërhoq nga pozicioni. Nga Gjykata e Lartë janë vetëm 2 anëtarë të konfirmuar në detyrë, 8 anëtarë janë shkarkuar nga detyra dhe 6 anëtarë janë dorëhequr.